ಶ್ರೀ ಸತ್ಯಸಾಯಿ ಸಾಕ್ಷ್ಯಚಿತ್ರ ಭಾಗ 5 - ನಮ್ಮ ಗುರು, ನಮ್ಮ ಆರಾಧ್ಯ ದೈವ - ಶ್ರೀ ಸತ್ಯಸಾಯಿ | Our Guru, Our God

"ಗುರು ಮತ್ತು ಗೋವಿಂದ (ದೇವರು) ಇಬ್ಬರೂ ನನ್ನ ಮುಂದೆ ಬಂದು ನಿಂತರೆ, ನಾನು ಮೊದಲು ಯಾರ ಪಾದಗಳಿಗೆ ನಮಸ್ಕರಿಸಬೇಕು? ನಾನು ಮೊದಲು ಗುರುವಿಗೆ ನಮಸ್ಕರಿಸುತ್ತೇನೆ; ಏಕೆಂದರೆ ಅವರ ಮೂಲಕವೇ ನಾನು ದೇವರನ್ನು ಕಂಡುಕೊಂಡೆ" ಎಂದು ಸಂತ ಕಬೀರರು ಬರೆದಿದ್ದಾರೆ. ಇದೇ ಜೀವನದಲ್ಲಿ ಗುರುವಿನ ಮಹಿಮೆ. ಹಾಗಾದರೆ, ಸ್ವತಃ ಭಗವಂತನೇ ಗುರುವಾಗಿ ದೊರೆತವರ ಸೌಭಾಗ್ಯದ ಬಗ್ಗೆ ಏನು ಹೇಳುವುದು? ಗುರಿಯೇ ಗುರುವಾಗಿ ದೊರೆಯುವುದು ಅತ್ಯಂತ ಅಪರೂಪದ ಆಶೀರ್ವಾದವೇ ಸರಿ! ಈ ಸಾಕ್ಷ್ಯಚಿತ್ರ ಸರಣಿಯ ಈ ಸಂಚಿಕೆಯಲ್ಲಿ, ಭಗವಾನರು ಹೇಗೆ ನಿಜವಾದ ಸದ್ಗುರುವಿನ ಪಾತ್ರವನ್ನು ವಹಿಸಿ, ನಮ್ಮೆಲ್ಲರನ್ನು ತಮ್ಮ ಗುರುಕುಲದಲ್ಲಿ ಸೇರಿಸಿಕೊಂಡರು ಎಂಬುದನ್ನು ಒಟ್ಟಾಗಿ ಮನನ ಮಾಡೋಣ. ಅಲ್ಲಿ ಅವರ ಪ್ರತಿಯೊಂದು ಮಾತೂ ಪ್ರತಿಯೊಂದು ನಡೆ-ನುಡಿಯೂ ನಮ್ಮನ್ನು ಜನ್ಮಜನ್ಮಾಂತರಗಳಿಂದ ಅಂಧರನ್ನಾಗಿಸಿದ್ದ ಅಜ್ಞಾನದ ಕಗ್ಗಂಟುಗಳನ್ನು ಬಿಚ್ಚುವ ಅಮೂಲ್ಯ ಪಾಠವಾಗಿದೆ.